Vala Ómarsdóttir

2008-04-10T03:03:00.000-07:00

það er komið vor.
heldur betur.
nýr andi í húsinu.. allir alltaf brosandi og fuglasöngur úti. amen.

ég er líka miklu léttari í kollinum þessa dagana.. ahh.. það er eins og það se búið að þurrka ský af kollinum. ég sé og hugsa skýrar.

ég er spennt yfir sumrinu.. væri reyndar til í að vera meira á íslandi en við komum heim í ágúst.
Auðunn er að drepa geitung sem flaug inn rétt í þessu..

ég ætla að skjótast út í sólina... þarf að taka nokkrar myndir niðrí bæ.. ætla að eyða svona 2klst í það og svo kaffi með melkorku niðrí spitalfields..
Auðunn greyið þarf að skrifa ritgerð eins og alltaf.

ég hef rauninni ekki mikið að segja.. það sem er framundan er helgarferð til noregs næstu helgi í brúðkaup, svo art/music/theatre thingy í Shunt Lounge með Bottlefed leikhópnum svo vinna í Maddid því hún er að fara til Spánar á listafestival.....

þið sem eigið leið ykkar til London.. kíkið við í Shunt.. underground venue fyrir allskonar listfólk.. music og djamm.. mjög skemmtilegur staður fyrir experimental dót.. er undir London Bridge.. við sýnum í lok apríl..

jamms.. ég er aaaaalltaf með brjóstsviða.. er að vinna í því og allir á heimilinu að vorkenna mér yfir leiðinda mataræðinu sem ég þarf að vera á í nokkrar vikur til að losna við bakteríuna sem veldur þessu rugli.. ég er ekki búin að drekka kaffi í 3 vikur!!! ég! það hefur aldrei gerst.. og svo fékk ég sendann íslenskann lakkrís en geymi hann í allavega viku í viðbót.... guð hvað ég hlakka til að fá lakkrís.. en núna er bara tedrykkja og kínverskar jurtir.. namm.

fékk mér reyndar 2 rauðvínsglös í gærkvöldi og núna er ég ég með brjóstsviða.. jebbs.. bannað að svindla greinilega.. talað um að það taki 3-4 vikur að ná þessu úr sér.. ein vika eftir.

skemmtilegar fréttir er það ekki?

what else?
já ég þarf að fara koma mér.. lítill bloggandi þessa dagana ég veit... mig langar bara að spjalla við ykkur on the phone..

allavega.. ég verð í bandi..
æ já ég var búin að gleyma ég ætlaði að byrja að skrifa meil.. málið er að auðunn er alltaf í tölvunni að skrifa ritgerðir svo þegar ég kemst í hana þá þarf ég yfirleitt að svara leiðilegum meilum varðandi verkefni og þh. en það er enginn afsökun.. ætla að koma mér í það bráðum

lovjú og missjú,
vala

2008-03-25T11:37:00.000-07:00

hæ gott fólk.

tölvudagur í dag. gera proposal fyrir leikverk og annað svona tölvustúss. það er fínt þegar það er kalt og grátt úti. og líka sniðugt að heilsa aðeins upp á ykkur.

páskarnir voru kósí. á föstudaginn langa var afmælispartý og svo á laugardaginn versluðum við Auðunn og meðleigendur okkar inn allskonar góðgæti fyrir páskadag og höfðum það svo gott yfir helgina.. bara rólegheit, allir heima.. baka og þannig fílingur. þurfti svo að fara á leikæfingu á mánudaginn.. það snjóaði á leiðinni.. en var svo búin um klukkan 4 og rölti heim í kuldanum.. bjart, kalt, smá snjór og afgangur af páskaeggi...

en núna er ég tilbúin fyrir vorið. þetta er komið fínt!

Isla og Jordi eru að fá sér te inn í eldhúsi og ég og Auðunn sitjum með kaffi inní stofu. hann að lesa og ég.. já þið vitið hvað ég er að gera.

ég er svöng. klukkan er korter í 7 og við Auðunn erum að spá í að fá okkur silung og salat.

Jordi er að reyna að segja mér eitthvað svo ég er farin í bili...
enda hef ég ekkert að segja.

2008-03-19T02:29:00.000-07:00

hæ...
er svo þreytt eitthvað..
hvenær kemur vorið?????

ég er komin með vefsíðu með leikhópnum mínum Footprint Project
http://www.footprintproject.org/ ég held hún sé bara ágæt.

er að borða morgunmat og ég þarf að fara að taka myndir af wannabees og fara svo á leikæfingu..
er eiginlega of þreytt til þess að drífa mig á stað.
en það er ekki til kaffi og þess vegna er ég ekki búin að kveikja á kollinum.
fæ mér bara kaffi með ferðahatt niðrí bæ......

mig langar að kaupa föt.
erum bráðum að fara í brúðkaup hjá Mari og Robin og mig vantar beautiful kjól.

hvað segiði yfir krónunni fólk?!!!
ég aldrei aftur að geyma listastyrki sem ég fæ sem íslenskar krónur á íslenskum reikningi!
ég las einhvers staðar að við íslendingar eru skuldugusta þjóð í heimi. smart.

æjji ég ætla ekki að byrja daginn á að hugsa um peninga.

páskar næstu helgi!! erum búin að fá íslensk páskaegg send yfir.. ætlum svo bara að hafa rólega helgi.. okkur er reyndar boðið í 2 afmæli.. eitt á fös og eitt á lau.. nenni því varla.. allavega ekki eins og er.. kannski að því ég er ekki búin að fá kaffið mitt í dag og nenni engu.. jú maður lætur sjá sig.. þarf reyndar að vinna í Maddid á laugardaginn.. bara smá.. svo er reyndar leikæfing með Bottlefed allan mánudaginn.. sem er víst annar í páskum i guess.. EN sunnudagurinn verður til sælu.... ooo ég vildi að það væri kominn sunnudagur..

vinkona mín er að fara að gifta sig og úff vesenið í kringum það.. ég nenni ekki að standa í brúðkaupsplönum og stússi fyrr en við höfum tíma og pening til að leyfa okkur að setja verkefni og þh á hold.. mig langar að vera á íslandi í stússinu.. mig langar líka að vera á íslandi í óléttustússinu.. af hverju er ég að pæla í þessu? já af því ég er ekki búin að fá mér morgunkaffið. kollurinn er kominn út í ruglið.
ætla að fara redda því og skottast um bæinn.

tala við ykkur fljótlega!
v.

2008-03-14T02:24:00.000-07:00

hæ.. já ég veit.. ég get ekki ákveðið hvar bloggið á heima.
en mér finnst hitt bara svo leiðilegt og myglað.
og það er líka bara skemmtilegra að meilast á.. eins og ég er núna að byrja að gera.. svona persónuleg hæ meil á miðjum vinnudegi eru best.
þannig að þið meigið fara búast við meili þið sem hafið þegar ekki fengið meil.. þetta er mitt nýja.. svona eins og maður gerði þegar maður var lítill og nýfluttur til new york, einn og vitlaus.. þá var nú mikið um bréfa og meila skriftir.

allavega..
það er föstudagur..
kíkjum aðeins í eitt afmæli í kvöld.. en bara stutt... það er allavega planið.
klukkan er hálf 10 um morguninn og ég heyri smá fuglasöng.. ég er svo spennt yfir vorinu að ég vil helst bara leggjast í dvala þangað til... þetta er búinn að vera svo kaldur og langur vetur eitthvað.. ég veit þið segið núna að ég geti ekki kvartað þar sem það er búið að vera snjór og læti heima... en þið skiljið.. kuldinn gerir mann bara svo þreyttann..

ég var að hugsa um forgangsraðir í gær.. hvað setur maður í forgang? og af hverju?
ég finn að ég set alltaf verkefni sem ég er að vinna í í forgang en hugsa svo að þegar ég er orðin róleg yfir hlutunum (komin á þann stað í lífinu að maður getur sett vinnu og verkefni á hold án þess að missa af lestinni) þá verður gott að geta sett annað í forgang.. eða hvað?
æjji bla...

ég er spennt yfir fríi.. eftir leikfestivalið á Spáni sem ég er að fara á með Footprint leikhópnum, er búið þá förum við Auðunn beint yfir til fjölskyldu minnar sem verða með íbúð á spáni rétt hjá Barcelóna.. ætlum að slaka á þar í nokkra daga.. svo beint aftur heim til London til að halda áfram að vinna í 2 verkum.. og svo Ísland í ágúst.

hvenær er sumardagurinn fyrsti?

mig langar að kaupa mér sandala..
ooo.. þegar það verður hlýtt og alltaf sól.. þá ætla ég að vakna brosandi og sofna brosandi!

heyri í ykkur fljótlega.
v.

2008-03-10T09:25:00.000-07:00

hæ músur og mannar..

mánudagur í dag.. heldur betur!
ógeðslega þreytt..
grá rigning í Londonborg.. leiðinda dagur.

helgin var kósí.. erum að reyna að vera sparsöm.. fórum reyndar á eina sýningu en það var ókeypis.. vinir okkar að sýna.. enduðum svo í eftirpartý hjá vinum okkar og gistum þar í stóra húsinu þeirra.. mest allt tónlistarfólk svo nóttin var kósí.. bara söngur og spil.. við vöknuðum svo um hádegi og fórum heim og gerðum risa breskann morgunmat og lágum í þynnku yfir bíómyndum.

ööömm... það er reyndar ekkert að frétta.. er að drepa tímann þangað til ég fer á æfingu..

xxx
vala

2008-03-05T02:31:00.000-08:00

hæ.

ég veit ég er alveg vonlaus í þessu bloggi.
ég ætti kannski bara að koma með fréttir í gegnum meil eins og í gamla daga.. það er nefnilega svo oft sem mig langar að segja ykkur fréttir en veit ekki hvort einhverjir aðrir en vinir mínir lesa þetta.

mig langar oft að vera í bandi við ykkur í gegnum póstinn.. þetta blogg er alltaf svo spes.. en allavega.. hér eru smá fréttir:

við Auðunn héldum afmælisvikuna okkar í síðustu viku.. á afmælinu hans vakti ég hann með morgunmat, pakka og köku í rúmið, áttum svo bara kósí dag og fórum svo í dinner og leikhús og enduðum í eftirdrykk.. mjög næs.. hérna á southbank.. mannlífið svo skemmtillegt og bara stutt labb frá þar sem við búum núna.

svo átti ég afmæli og svipaður dagur.. hann vakti mig með morgunmat og pakka í rúmið og við fórum í bæinn að leika okkur og svo eldaði hann dinner handa mér því við ákváðum að fara ekki aftur fínt út að borða... erum ekki millar eins og er.. en það kemur að því..

svo var afmælisveislan okkar sameiginlega á föstudaginn.. 15-20 vinir okkar komu á skemmtilegann bar/klúbb í Hoxton square og enduðum við svo nokkur á brick lane..

jájá.. svo er Auðunn kominn á fullt í ritgerðarskrifum.. ég er að vinna í 3 verkefnum með 3 leikhópum.. Footprint Project www.footprintproject.org Maddid Theatre Company www.myspace.com/maddidtheatrecompany og Bottlefed Ensemble http://www.bottlefed.org/ bara svona ef ykkur leiðist og langar að sjá hvað ég er að bralla.. Footprint verður komin með vefsíðu eftir 2 vikur... það sem er sem sagt á dagskrá er sýning í Júní með Footprint, sýning í lok júlí með Bottlefed og svo sennilegast Maddid í reykjavik í ágúst.

svo part time er ég enn að finna fólk til að vera extras í tv og þannig fyrir umboðsskrifstofu. það er allt í lagi, skemmtilegt fólk sem vinna með mér, og ekkert til að stressast yfir.. bara svona til að borga leiguna og þannig.

jæja.. þetta eru allavega einhverjar fréttir...

við tókum garðinn okkar litla í gegn á sunnudaginn svo við erum öll spennt yfir að vorið sé að koma (það er reyndar ógeðslega kalt ennþá en sólin er að sýna sig) svo við erum bara búin að plana grill, sólbað og gleði í garðinum okkar í sumar.. ykkur er velkomið!! Jordi meðleigandi ætlar að gera sangría drykki og Auðunn grillar eitthvað gott..

jæja núna þarf ég að fara drífa mig.. taka nokkrar myndir og svo æfing með Bottlefed leikhópnum og tónlistarmönnunum sem vinna með okkur.. fyrsta æfingin með tónlistarmönnunum um daginn og það var snilld.. þau spila á double bass, fiðlu, saxafón og selló... gaman.

jæja verða að fara..

kem með fréttir eða bara eitthvað bull fljótlega...
lovlovlov
vala

2008-02-06T13:34:00.000-08:00

hi.

eg er ekki med islenskt lyklabord. er i tolvunni hennar Islu vinkonu sem eg by med. tvi tolvan okkar Auduns do um daginn en ekki grata fyrir okkur.. vid faum nyja i vikunni.

tad er kvold. dagurinn var finn. fekk frettir um meiri listastyrk til ad troa og fara med eina syningu til islands (oktober er planid) nuna er eg bara ad paela hvada syningu.. er ad skoda tetta.
jamms. strakarnir ad horfa a boltann i sjonvarpinu.. teir gafu mer nammi.. en eg er bara ad vesenast a netinu...

var i baenum ad casting scouta i dag og stoppadi mig ta ung dama og bad um ad taka mynd af mer fyrir innblastur fyrir topshop.. eg hef reyndar heyrt af teim.. tau stela hugmyndum af folki nidri bae.. fyndna er ad adur en eg for ut sagdi eg vid Audunn ad eg liti ut eins og steriotypu new york roni i musicals a attunda aratugnum.
svo ef tid sjaid tannig ginu i topshop ta skiljidi af hverju.

hvad fleira...
umm.. fullt framundan. byrja ad aefa med Bottlefed leikhopnum a manudaginn.. tau eru mjog kul ad minu mati og hafa fengid bara fineris doma fyrir verkin sin.. svo eg er spennt.. svo eru svo kul tonlistarmenn med okkur i verkefninu.. tetta verdur gaman.

svo eigum vid Auddi gamli baedi bradum afmaeli.. aetlum ad hafa annad kvoldid med vinum og hitt kvoldid romo bara vid tvo.. orugglega dinner og leikhus eins og alltaf..

erum ad fara i leikhus um helgina a verk sem eg er mjog spennt yfir ad sja.. og svo bara joga eda tennis.. eitthvad leim.. kosi.. aetlum ad hugsa adeins um heilsuna tessa helgina.. sidustu 2 manudurnir hafa verid soltid ofvirkir i drykkju og djammi.. jol, aramot, gestagangur, eftirsyningardrykkja, fleiri gestir, profalokaparty og allskonar rugl. nuna bara spitalfieldsmarkadurinn i sunnudagskaffi og rolegheit yfir dagblodunum..

gott mal.

jaeja..

vonandi hafid tid tad gott elskurnar..
komid svo bara i heimsokn.. alltaf gaman ad hafa gesti...

heyrumst fljott,
v.

2008-01-29T10:25:00.000-08:00

fyrir verkefna spenningur.

var að koma heim.
vorum á kaffihúsi á Brick Lane.
ást í loftinu.
kjúklingur í kvöldmatinn.
breinstorma fyrir næsta maddid verkefni.

er búin að jafna mig eftir mikinn gestagang og sýningatímabil.
er að fara byrja í byrjun feb að vinna með öðrum leikhóp og tónlistarmönnum.
spennt.

Audunn búinn í prófum.
heimapartý um helgina.
of mikil drykkja.
of lítið movement (dans/jóga/pilates/)
en er að fara að byrja að taka capoeira tíma með vinkonu minni úr footprint leikhópnum.
hef gott af því.

í kvöld ætlum við að horfa á Derrida sem Auddi fékk á bókasafninu.
og slaka á..
og og og..

bla.
ég skal segja eitthvað sem gefur ykkur innblástur næst.
í dag er bara mómentið núna.

bless smúls

2008-01-23T06:18:00.000-08:00

eftir verkefni bláleiki..

hellist alltaf yfir mig eftir verkefni.
en núna ætla ég bara að njóta bláleikans. fara undir sæng og horfa á woody allen mynd.

í gær var fyrsti frídagurinn minn síðan gamlárs. lokasýningin var á sunnudaginn og rósa systir og hákon voru hérna í heimsókn hjá okkur yfir helgina. eftir lokasýninguna fór ég með þeim, Audda, og nokkrum vinum okkar á bar rétt hjá leikhúsinu.. mikið spjallað og hlegið.. spennufall eftir lokasýningu og gleði yfir drykk með vinum er mín uppáhalds tilfinnining.

á leiðinni heim asnaðist ég svo að draga þau nokkur með mér í angel.. en það var allt lokað og þar sem þetta er ekki mitt hverfi þá löbbuðum við einhvern óþarfa hring í hálftíma.. þá fannst mér ég náttlega hafa eyðilagt gott kvöld en þau bara hlógu af mér og við fengum okkur bara miðnætur kebab..

daginn eftir tókum við Auðunn túrista dag með Rósu og Hákoni þar sem þetta var þeirra síðasti dagur hér í London. en svo byrjaði að rigna og við stukkum inn á einhvern random pub til að brainstorma um hvað við gætum gert. eftir 3 hvítvínsflöskur og nokkra bjóra þá var ljóst að rigningin væri hætt en við enn þarna.
bara mjög næs.
skemmtum okkur bara mjög vel á einhverjum glötuðum pub..

öömm.. hvað fleira.. já ég ætti kannski að vinna smá.. taka random myndir fyrir casting scouting.. mjög leiðilegt.. en tók mjög lítið af myndum í æfingartímabilinu og engar meðan sýningarnar stóðu yfir.

og núna er ég löt.

ég ætla að leyfa síðasta verkefni að anda (sem þýðir: ég að sofa og vera löt í nokkra daga) en svo byrja ég á næsta verkefni mjög fljótlega.

ég kannski blogga meira núna þessa dagana..

allavega,
mig langar að fara í nokkra daga til íslands og hitta ykkur.

ég fæ allavega nýja munnhörpu í afmælisgjöf.. kannski flug til íslands líka. við erum búin að fresta parísarferðinni til lok mars.

heyri í ykkur sem fyrst...
vala

2008-01-06T09:31:00.000-08:00

hæ.
og til hamingju með 2008!
gamað að þetta frábæra ár sé byrjað.. úff það verður magnað.

það byrjaði allavega vel.
héldum sem sagt gamlárspartý hérna í London.
10 manns í mat.. forréttur, kalkúnn og eftirréttur.
vorum góð blanda, nokkrir vinir okkar frá íslandi og nokkrir vinir okkar hérna í London.

fórum svo öll niður að á ásamt milljón londonbúum, allir öskrandi og bíbandi, með kampavín og tilheyrandi. alveg magnað.

þetta var held ég bara eitt af vel heppnuðustu gamlárskvöldum sem ég hef upplifað..

svo byrjuðu æfingar á leiksýningunni Exile strax og er ég er búin að vera á fullu við að semja og leika frá morgni til kvölds.. var að koma heim af æfingu. sunnudagur. kl er 6. Audunn er út í búð að kaupa í matinn og rauðvín. ætla að slaka aðeins á..

sýningar hefjast 15. Jan.. væri gaman ef þið gætuð komið.. tengdó, Rósa systir og Hákon kærasti hennar koma allavega.. svo það er gaman.

jæja nú jæja.. vildi allavega bara segja hæ og láta vita af mér.. hitti ekki alla heima um jólin því fríið var svo stutt.. en svona er það bara.. stoppum lengur næst!!

ókei tala við ykkur fljótlega
love,
v.

2007-12-11T11:39:00.000-08:00

casting...

sit inn í stofu með manninum mínum og einum af okkar roommate.. fótbolti, bjór, nammi og litlu jólin. erum að leyfa okkur að hafa það kósí.. strákarnir að tala um fótbolta.. svo ég ákvað að segja hæ.. hæ.

búið að vera geðsýki að gera og verður fram að helgi.
er búin að vera að fara yfir ferilskrár og umsóknir frá leikurum og leikhópum.. sem sagt bæði fyrir leikhús festival sem verður á næsta ári í leikhúsinu sem Maddid var sett up í.. vinkona mín er manager þar og bað mig um að hjálpa sér að setja upp þetta árlega festival. og svo hef ég verið að fara yfir ferilskrár frá leikurum sem eru að sækja um að vera í næsta verki okkar í janúar, með hinum leikhópnum, því einn leikarinn sem var í verkinu með okkur í fyrra fékk hlutverk á west end og þarf þá einhver að hlaupa í skarðið.. fengum send inn næstum 80 umsóknir frá hinum og þessum útskrifuðum leikurum í Londonbæ..
þannig að ég er bara allt í einu hinum megin við borðið.. soltið gaman bara. leikstjórinn bað mig líka um að hjálpa við að halda prufuna, leikararnir þurfa að sýna sköpunarhæfileika sýna ásamt leikhæfileikum.. þannig á föstudaginn höldum við prufuna fyrir útvalda leikara.

svo er ég bara að taka myndir á fullu fyrir casting management.. finna extras.. mjög leiðilegt en ágætlega borgað miðað við random part time drasl vinnu með verkefnum.. svo ég má ekki kvarta.. enda jólin og fríið að byrja.

ég hlakka svo til að hitta ykkur múmúar!

strákarnir eru enn að tala um fótbolta.. en við skemmtum okkur mjög vel öll saman.. dugleg að hafa gjörninga... hlægjum mikið.. enda Jordi roommate alltaf með stand up í eldhúsinu.. ég hlæ allavega alla daga, og frekar mikið....
fíflalæti, drama, stemmning, rólegheit, dugnaður, kósíheit, gjörningar og plön er góð samblanda.

jæja.. vinna og halda prufu, kaupa jólagjafir og kveðjujóladrykkir.. svo heim í hitann. (ég ímynda mér alltaf að það sé hlýtt heima.. kannski af því að ég er alltaf í ullarpeysu og í ullarsokkum hérna heima í London... það er allavega hlýtt inni heima á ísl.. ?

jæja ætla að rugla og bulla og fá mér bjór og hlaup.. umm góð random blanda.

ást.
veils

2007-12-07T01:47:00.000-08:00

jæja.
lífið er gott.

fór í tveggja daga geðsjúka prufu um daginn, var ekki viss hvernig mér gekk því ég var hálfslöpp, þurftum að semja senu út frá texta sem rithöfundurinn úr Companýinu skrifaði. þurftum að semja með öðrum leikurum líka og svo í seinni prufunni unnum við með tónlistarmönnum sem munu vinna með companýinu í næsta verki.
góð prufa. svo bara bíða eftir svari. vissi að þau myndu velja 5 leikara fyrir næsta verk.

jæja, var að fá svar. var valin. amen. takk elsku alheimur!

gott mál. og tímalega séð alveg frábært. er einmitt að setja upp aðra sýningu í Jan, en æfingar fyrir þetta verk byrja ekki fyrr en í febrúar.

þarf að fara að vinna núna. takar myndir af fólki út í bæ. nenni því ekki alveg núna. en vinkona mín ætlar að vinna líka. svo ætla ég að hitta aðra vinkonu mína á kaffihúsi beint eftir vinnu og við ætlum að sjá sýningu sem ég fékk hlutverk í en var á íslandi svo ég missti af því. ætlum að sjá hvað ég er að missa af:/
Auðunn er að læra á fullu en ætlar að reyna kannski að taka sér pásu og hitta okkur upp í leikhúsi í kvöld.. hefur gott að því.

svo er afmæli annaðkvöld og jólastúss.. hlakka til:)

amm.. já ég þurfti bara að tjá mig um þessar góðu fréttir þar sem flestir á heimilinu eru farnir í skólann/vinnu....

ömm.. ég ætla að fara fljótlega.. fá mér kaffi með ferðahatt (heitir það ekki eitthvað svoleiðis heima?) "get ég fengið jakka líka" (það er pappírinn utan um bollann) bla.

jæja. best að drífa sig. eins og þið sjáið þá er ég komin á ról með þetta blogg. mér finnst það bara gott mál. gott að heilsa upp á ykkur. gott að kasta einhverju bulli niður á blað.

tala við ykkur fljótlega.

luvluv.
veils

2007-12-05T07:02:00.000-08:00

sick.. in the head and body.

ég er með flensu og hef ekki tíma fyrir það.
enginn heima. Auddi og Jordi í skólanum og Isla að vinna. ég að horfa á daytime tv upp í sófa með kaffi og teppi.

er samt að fara í prufu í kvöld, fyrsti helimingurinn var á mánudaginn og svo er lokaparturinn í kvöld. langar prufur því við þurfum bæði að leika og semja. á mánudaginn þurfti ég að semja senu og leika hana út frá texta sem við fengum en við þurftum að bæta við textann og breyta subjectinu þannig að úr verði ný saga. það var sólo sena. svo semja með hóp. svo improvisa og allskonar fleira. í kvöld vinnum við með tónlistarmönnum og notum tónlist þeirra í spunavinnunni og fleira. allskonar bara.

fór sem sagt ekki að vinna í dag.
en ég ræð vinnutímanum mínum þannig að ég vinn bara meira á morgunn og hinn (taka myndir af fólki fyrir casting management) svo um helgina er afmælispartý og jólagjafainnkaup og svo kveðjudrykkur með íslenska parinu Ingu og Dóra, en þau er að flytja heim til Íslands. svo taka myndir á mánudags til fimmtudags. svo höldum við prufu fyrir einn leikara á föstudaginn því einn leikarinn úr hópnum fékk hlutverk á west end, okkur vantar því einn strák fyrir sýninguna í Jan. svo um kvöldið förum við nokkur sennilegast á tónleika sem kærasti vinkonu minnar var búinn að taka frá miða fyrir.. svo pakka niður og svo heim til Íslands í jólafrí!!

gleði.

núna er ég bara í ruglinu.. margt sem mig langar að tjá mig um varðandi fordóma og fleira.. en ætla að setja það í vinnuskrifbókina mína í staðinn og worskjoppa það með nokkrum leikurum og vona að það skili sér í sköpunarferlinu og geti því kannski tjáð þessar hugsanir án þess að skammast.. ég held að fólk hlusti á upplifun og tilfinningar betur en öskur og skammir.. þannig að kannski energy of 8 skili sér betur? (orkan á milli áhorfendans og leikarans)

ókei bla.

hvenær koma krakkarnir heim? ég er svöng og vil ekki fara út í sjoppu því það er svo kalt. það er matarþáttur í sjónvarpinu... gott mál. einn strákur sagði mér í gær að bara drekka, ekki borða, til að losna við flensuna.. hver nennir því.. ég er búin að drekka líter af heitu vatni og nokkra kaffibolla í dag, ætti því að vera búin að pissa úr mér flensunni, en nei ég er bara svöng.

hvað segið þið annars?
ég er komin með jólakítl í magann.
ég vil ALLTAF vera á íslandi um jólin. ég verð svo mikið jólaheimabarn í desember.. finnst það best. hér er líka svo mikil borgarmenning þar sem jólin snúast um að fara í drykk með vinum.. sem er fínt fram í miðjan des finnst mér.. þá vil ég upplifa jólaandann og hann er góður heima.. hér kvarta margir yfir hvað jólin séu svo commercialized.. skapaðu jól þín sjálfur! mín jól fjölskylduna mína og vini.. þetta er tíminn sem ég hitti alla og geri allskonar krúttlegt..

ég ætla að fá mér mandarínu.
við Auðunn ætlum að hafa jólamúlladag í næstu viku.. en þá förum við að versla jólagjafirnar og allur dagurinn snýst um jólin og komast í stemmara.. mér finnst ekki gaman að kaupa jólagjafir í hádegispásu í stressi.. vil gera gjörning úr þessu.. koma svo heim og spila jólalög og vera merry.

við erum búin að koma svona hefð hér á heimilinu að hafa sunnudagsbrunch þar sem við kaupum fullt fullt af bakarísmat og ég geri túnfisksalat ala ómar pabbi og svo spjöllum við yfir matnum tímum saman.. ég lifi fyrir stemmara og þeim finnst það líka gaman.

jæja.. ég er nú kannski ekki að segja neinar fréttir.. nú nema við erum búin að ákveða að hafa mat og partý á gamlárs hérna heima hjá okkur í London.. þannig að ef þið viljið kíkja til London.. þið vitið hvar þið verðið á gamlárs.

jæja ljúflingar.

sé ykkur eftir 11daga!!

ást.
veils

2007-11-27T00:27:00.000-08:00

when my imagination is starting to make me physically sick.....

ég veit ég er vonlaus í þessu bloggi.. veit ekki af hverju.. jú ég veit af hverju.
en ég held það sé gott fyrir mig að blogga núna reglulega.. í smá tíma.. fram að jólum.. fram að næsta æfingartímabili fram að næsta "peace of mind" tímabili.

það er svona haustþunglyndi í gangi.. samt ekki þunglyndi.. frekar þrengsli í kollinum.. svona eins og allt sé að kremjast og ég verð að losna við nokkrar hugsanir til að geta andað. kannski ég kaupi svona ljós sem maður horfir í 10 mínútur á dag og losnar þá við skammdegisþokuna inní manni.

skrítna er að allt er frekar ágætt bara.. en þá fer kollurinn á flug með "hvað ef" hvað ef kaffið hellist yfir mig ákkúrat núna? hvað ef tjúbið stoppar og rafmagnið fer af og ég verð sein.... hvað ef ég missi alla vini mína, maka, fjölskyldu, leik-companý.. nú þá á ég ekkert.

ég lifi alls ekki fyrir hluti.. upptalningin hér á undan er það sem ég á og lifi fyrir.

en já.. best að einbeita sér að deginum og komandi verkum.. tveir fundir í dag.. einn hjá part time vinnunni minni sem er random eins og ég hef sagt ykkur frá áður (model scouting) og svo Maddid fundur, erum að fara plana fyrir næstu sýningu.
svo í vikunni er Footprint fundur fyrir marketing hjá Exile sýningunni sem við erum að byrja að æfa fyrir. en annars bara já.. kaupa jólagjafir, fara til íslands!!! :)

við fljúgum heim 17.des. það verður ljúft..

ég þyrfti að gera jóga í dag.. er búin að vera í movement/jóga/dans/pilates fríi í næstum 3 vikur. það hefur ekki gerst lengi.. sennilegast einhver ár.. fann ég þurfti á því að halda.. en núna finn ég líka hvað ég er orðin restless í líkamanum.. best að byrja aftur.. líkaminn er búinn að sofa nógu lengi...

Auðunn er á fullu að skrifa ritgerðir.. síðasta árið hans í BA náminu.. svo er draumurinn New York.. ja eftir svona 3 ár.. segjum við núna allavega.. fer eftir verkefnum hjá mér og hvort hann fari beint í MA nám eða hvað verður..

fórum í partý um helgina þar sem við einmitt hittum new yorkerann Tom og eftir gott spjall um framtíðarplön okkar þá er víst stutt í míting í manhattan.. beygla og kaffi í east village..

jæja.. þetta var gott fyrir kollinn... bara blaaaaa.. eitthvað.

sakna ykkar!
mú.
veils

2007-11-08T05:45:00.000-08:00

post production blue

hæ.
búið að vera geðveiki að gera.
þróa Maddid sýninguna og setja hana aftur upp.
gekk vel, gerðum líka góða documentation og getum því múvað on yfir í næsta verk.
byrjum á því í næstu viku.
en í því verki mun ég sjá um leikstjórn og leika eitt hlutverk.
er komin með smá þreytu á maddid litlu því hún er orkufrek.
verðum sennilegast að semja fram að jólum og svo með prufu fyrir leikara á næsta ári.

annars er ég í einhverju stressi.. yfir bara öllu og engu.. þið skiljið.. ég ætlaði að fara upp í leikhús og mála vegginn aftur hvítann og laga til eftir okkur.. en mari reddaði því.. ég nenni engu í dag.. auðunn er í tölvunni hans jordi og isla í sninni tölvu og ég í okkar tölvu sem er að missa vitið..

erum að pæla í að koma heim um 18.des og fara aftur 28.des.. góðir 10 jóladagar.. höldum svo bara áramóta dinner+partý heima hjá okkur.. enda búum við rétt við ánna og getum svo bara öll rölt út og horft á bresku flugeldana.. sem verða sennilega ekki eins maganaðir og í rvk.. við bara þurfum að vera í London um áramótin því ég byrja á æfingum fyrir Exile strax eftir jólin og Auðunn þarf að skila inn ritgerð og allskonar jazz

ömm.. ég veit ekki hvað skal segja.
vinir okkar komu á sýninguna í gær svo það var setið lengi og drukkið upp í leikhúsi og allir orðnir smá fullir nema ég.. ég sem ætlaði nú aldeilis að leyfa mér að vera létt á því.. var bara svo þreytt eftir sýninguna að ég rétt náði að drekka 2 bjóra.. strákarnir voru á rassinum enda líka svo ánægðir með sýninguna, við stelpurnar sátum bara og hlógum af þeim og nutum þess að vera búnar með þetta verk. léttir. en svo vitum við að við eigum eftir að færa það annað seinna svo við grétum ekki útaf söknuði..

ókei ég skal tala um eitthvað annað.
ég er sem sagt þreytt, með post production blue, smá stressuð. ekki þunn, spennt, tóm, með létti, og mig vantar pening. fæ ekki pen fyrir en eftir helgi fyrir model scouting.. og já. mig langar í pizzu.. og íslenskt nammi... nammið i london er drasl.

what else?

já við auðunn erum að spá í að hoppa með bakpoka í overground fyrstu helgina í des og bara fara eitthvert sniðugt.. hverfa í 2-3 daga.. leika okkur smá.

ömm..
já endilega skrifið komment eða sögu eða eitthvað fyrir conceptið EXILE á þennann link:
http://gaellecornec.squarespace.com/exile-forum/

þið getið skrifað á íslensku eða ensku eða hvaða tungumáli sem þið viljið....
tékkið allavega á þessu..

ókei ég er farin..
tala við ykkur um helgina
mú

2007-11-01T13:39:00.000-07:00

jæja nú jæja..
úlfur úlfur
talk no walk
big mouth no actions

and all that blues

ég veit ég er búin að lofa upp í kok bloggi og fréttum og viti menn. það er komið að því. ég er hætt að þykjast og byrjuð að skrifa.

in my defence þá erum við rétt núna komin með netið heima í "nýju" íbúðinni.

en hér er update fyrir ykkur kæru vinir:
við Auðunn erum sem sagt flutt í aðra íbúð hér rétt við ánna í London borg. búum með tveim vinum okkar (Isla og Jordi) og heimilislífið bara ansi fínt.
Jordi er sprelligosi sem fær mig til að hlægja af dramanu mínu og Isla er rithöfundur í leikfélaginu mínu og getum við því spjallað og haldið fundi jafnvel bara rétt fyrir svefninn (ef okkur fyndist það betra en að hitta mari og co á kaffihúsi eða bar)
svo er Auðunn manni minn bara eins og alltaf.. snillingur sem gerir morgunmat í rúmið (ég elda dinnerinn)

þessa dagana er ég með annann fótinn í leikhúsinu að þróa Maddid sýninguna.. en hún verður sett aftur upp í Nóvember. svo er ég að leika með öðrum leikhóp í sýningu sem heitir Exile og verður sett upp í Camden People's Theatre í byrjun Janúar.. þið komið á hana!! (8-14 jan)

nú svo er ég að vinna fyrir módelskrifstofu part-time í að leyta af módelum!! random vinna en góð fyrir leikara etc þar sem maður ræður allgjörlega hvenær og hvar maður vinnur... smá auka peningur til að halda sér uppi í dýrri London borg.
og Auðunn er á fullu í skólanum og bara ánægður með lífið. hann segir hæ btw.

jæja þetta er svona helsta updeitið..

ég loooofa að koma reglulega með fréttir núna.. ekkert úlfur úlfur.. núna er ég komin með netið svo það er engin afsökun. líka bara gaman að skrifa smá slúður yfir rauðvínsglasi eins og núna.. Auðunn að horfa á sjónvarpið, Jodi í sinni tölvu og Isla hjá kærastanum sínum..

jamms..
já.
á morgunn ætla ég svo að vinna með leikstjóranum mínum Gael og taka norrkar myndir af wannabees.. nóg af þeim hér í borg. svo ætlum við Auðunn á Water í Lyric.. svo á laugardaginn er leikæfing fyrir Maddid og matarboð um kvöldið og svo á sunnudaginn aftur leiksýning sem Mari produseraði... allskonar bara... en ég kannski heilsa upp á ykkur um helgina.

ókei
bið að heilsa
smúts

2007-09-24T08:47:00.000-07:00

ég er alveg glötuð í þessu

skil ekki af hverju.. ætti svo sem að hafa nógann tíma í þetta þar sem ég er alltaf á netinu í listastyrktar leit og leikhúsrannsóknarleiðangri..
held ég verði duglegri þegar ég er komin aftur til London.

það er mánudagur og ég hafði hugsað mér að fara á kaffibarinn eða barinn til að skrifa en endaði hér á grandaveginum.. ókeypis kaffi og með því.. kósí bara

í gær fórum við stelpurnar (þegar ég segi stelpurnar þá er ég að tala um való vinkonur mínar) í lunch á oliver og sátum í næstum fjóra klukkutíma! aldeilis hægt að spjalla yfir lunchi.. svo var kaffi og vöfflur á grandaveginum og svo afmæli hjá Emelíönu minni um kvöldið. svo þetta var almennilegur sunnudagur...

saumó í vikunni (saumó eru MH vinkonur mína) og svo 2-3 matarboð og svo back to London:)

ég hef aldrei hlakkað eins mikið til!!
ég skal vera dugleg að blogga þá.. núna veit ég ekkert hvað ég á að segja.. ekki nenni ég að fara að æsa mig yfir einu né neinu núna.. það gæti gerst frekar um miðnætti.. en núna var kaffið að kicka inn svo ég er óskup nett á því og jafnvel bara hamingjusöm..

hlakka til að hitta ykkur sem flest áður en ég fer aftur út.. sem sagt fyrir laugardaginn..
en núna ætla ég að halda áfram að skrifa...

ég heyri í ykkur fljótlega!

2007-09-04T14:46:00.000-07:00

Hæ.
Mér leiðist.
Ég vil fara að fara heim.
Þetta er orðið fínt.
Hversu lengi er hægt að vera gestur í ferðatösku.
Mér finnst betra að treysta á tjúbið en annarra manna bíla.
Samgöngur íslands eru skrítnar.
Það var næstum því keyrt á okkur Melkorku í dag.
Tveir strákar á miklum hraða yfir á rauðu.
Negldu okkur næstum niður.
Hjartað stoppaði í smá stund og við sáum andlit strákana þegar þeir brunuðu rétt fram hjá okkur.
Þeir voru með “vúps” svip. eða kannski “ó á maður ekki að bruna yfir á rauðu?” svip.
Við fórum svo með hjartað í buxunum til Söru og Loga litla. Logi litli var hræddur við mig. Hann grét bara þegar ég hélt á honum. Ég get ekki orðið mamma strax sem sagt.
Það verður að hafa það.
Logi var sætur.

“Almost”
Er orð helgarinnar.
Er þriðjudagur? Mér finnst alveg eins og það sé mánudagur. Hvað gerði ég í gær?
“Almost”
Ég nenni ekki að tala um það.
Tengist öðru leikfélagi.. ekki mitt leikfélag samt.. annað..
Ég myndi fórna þess að giftast, eignast börn og hús fyrir það sem ég er að fara segja núna. En ég segi það ekki. Því ég meina það ekki.
En guð hvað ég er þreytt á að vera ekki í mínu lífi. Ég sakna mín og mitt líf. Hversu lengi er hægt er hægt að halda upp á jólin.
Jólatréð er löngu komið niður en samt er ég hér. Að missa af öllu.

Ég er löngu búin að missa löngunina í að kaupa mat, hvað þá eitthvað annað.

2007-08-31T05:53:00.000-07:00

aftur...

þegar ég flutti til new york, lítil og krúttilega vitlaus í kollinum þá bloggaði ég, næstum daglega, í mörg ár. svo hætti ég því. hélt það væri bara rugl að skrifa um ekkert og skrifaði í staðin ritgerðir sem voru metnar með einkunum.
nú er ég aftur orðin krúttilega vitlaus í kollinum og mér líður vel með það.

margt hefur gerst síðan ég skrifaði síðast. þó það nú væri.

ég er stödd á íslandi í þessum töluðu orðum en fer aftur heim til London eftir 3 vikur. þetta sumar er búið að vera ótrúlegt, og ég nota sjaldan orðið "ótrúlegt". við manni minn erum búin að vera á landinu í allt sumar og höfum hagað okkur eins og spilltir wall street krakkar.. höfum leyft okkur allt og nánast étið og drukkið upp ísland eins og það leggur sig. magnað. en við líka komum hingað til þess að tjútta með vinum og fjölskyldum. svo it's been done.

svo förum við aftur heim og munum búa í sætri íbúð á ágætum stað í London með Islu og Jordi. Isla er vinkona mín sem ég kynntist í leiklistarskólanum en hún er rithöfundur og leikari og skrifaði einleikinn What Now Maddid sem ég lék í síðastliðið vor. Jordi er hinsvegar kærasti frænku Auðuns og er að fara í listaháskóla í London...
Auðunn er svo að fara klára sítt síðasta ár í háskólanum en hann er í þróunarfræðum og alþjóðlegum stjórnmálum..
ég útskrifaðist í fyrra og mun halda áfram að gera mín leikverkefni, en það eru tvö í vinnslu, eitt komið með samning í nýju leikhúsi og annað að þróast áfram frá fyrra leikhúsi..
svo það verður nóg að gera á okkar heimili.. meira um það seinna.

nú þar sem við erum stödd í þessum töluðu orðum, er að ég er sem sagt á íslandi í misgóðum fíling.. annars vegar high up in the sky (án hjálparefna.. bara on life) þar sem gleðin og vinafundirnir hafa verið ófáir í sumar. en svo hef ég líka fengið niðurtúra á næturnar þar sem ég ligg andvaka og hugsa um verkefni, peninga, verkefni, framtíðina, og verkefni... er með svo margar hugmyndir og vil helst vinna á næturnar.. þá verð ég stressuð því ég á að vera sofandi. í gærnótt fann ég svo allt í einu fyrir því að sköpun og tjáning með action er ekki endilega eina þörfin mín.. mig langaði til að skrifa.. bara eitthvað bull.. bara hugsanir.. og ekki í dagbók/vinnubók... því þá fer ég að skrifa fyrir verkefni og fæ samviskubit ef ég er ekki að skrifa/semja fyrir verk.. allavega.. mundi ég þá eftir gamla góða blogginu.. þar getur maður skrifað bull án þess að hugsa um að það sé eitthvað sem tengist verkefnum og vinnu.. heldur bara um lífið og huxið.. eða bara til að heilsa upp á liðið með einu hæ með morgunkaffinu..

þannig að já.. ég er sem sagt byrjuð þessu aftur og kem sennilegast með tilgangslausar sögur eða fréttir af Londonlífinu eða slúður af dramaliðinu..

bið að heilsa í bæinn..
vala óm